طريقة عمل البتزا باللحمة المفرومة

اول حاجه هنجيب قطعه الخميره ونحطها فى كوبايه ونضيف لها سكر ملعقه او ملعقه ونص صغيره ونقلبها فى شويه ميه بس مش تكون سخنه عشان الخميره مش تبوظ
المهم بعد ما نعمل كدا هنجيب الاناء اللى هنعجن فيه العجين ونحط فيه بيضه وذره ملح والخميره اللى عملناها وربع كوبايه زيت

بعد ما نعمل كدا هنقلبهم فى بعض جداا لحد ما يبقوا شبه المياه خلاص
بعد كدا نضيف الدقيق لهم يعنى 3 كوبايات عشان تبقى كميه كويسه


ونعجنهم فى بعض وطبعا نحط على ايدينا زيت عشان العجين مش يلزق فى ايدينا
ونضيف ميه كل ما نحتاج لحد ما تبقى حلوة
بعد كدا نسيبها بقى تخمر مع نفسها ونكمل احنا بقيت الحاجه
هنبدأ نجهز صلصه البيتزا
ودا بالمكونات
3 حبات طماطم عصير وبصله متوسطه مفرومه ومعلقه كبيره دقيق وزيت وملح بهارات

اول حاجه هنجيب البصله ونقشرها ونفرمها فى الكبه


وبعد كدا هنعصر الطماطم فى الخلاط ونصفيها من البزور


وبعدين نجيب حله بقى ونحط فيها الزيت
والبصله المفرومه
لحد ما لونها يبقى دهبى
بعد كدا هنضيف ملعقه الدقيق الكبيره ونقلب ونضيف الطماطم ونقلب ونسيبها لحد ما تغلى ونضيف الملح والبهارات ونقلب ولحد ما تغلى وتبقى قوامها غليظ شويه



وبعد كدا نسيلها تبرد ونبدأ نعمل اللحمه المفرومه
هنفرم البصله برده وهنجيب اللحمه


ونبدا باننا نحط فى الحله زيت وبعد كدا نحط البصله لحد ما تدى لون ذهبى
ونضيف اللحمه المفرومه
ونقلب لحد ما تتفتت كلها
ونضيف ملح وبهارات
لحد ما تبقى بالشكل الكويس

بعد كدا نسيبها
ونفرد العجيبنه اللى طبعا حجمها كبر وبقت متخمره ونحط فى الصينيه 3 معالق زيت وندهن الصينينه كلها وبعد كدا نفرد العجينه بالشكل دا ونسيبها تخمر برده عما نجهز بقيت الحاجه






ونبدأ بقى بتقطيع الحاجات اللى هنحطها فى البيتزا
ونقطه الزيتون دواير وقع صغيره والطاطم حلقات رقيقه جداا والفلفل الاخضر برده والجبنه الومى تاخد لفه واحده فى الكبه او بالسكينه قطع صغيره او بالمبشره اختارى اللى يناسبك
لحد ما تبقى المكونات بالشكل دا

بعد كدا هنجيب الصينيه اللى حطينا فيها العجينه هنلاقى ان فعلا حجمها زاد
ونبدا بقى باول حاجه اننا نضيف الصلصه باللتساوى


وبعد كدا نساوى الصلصه بالملعقه


وبعد كدا هنضيف اللحمه المفرومه بالتساوى


وبعد كدا نضيف الفلفل الاخضر


وبعد كدا نضيف الجبنه الرومى


وبعد كدا نضيف الزيتون هو مش باين بس لو دققتوا هتشوفوه عشان بس شبه اللحمه


وبعد كدا نبدأ بوضع حلقات الطماطم ونساوى السطح بالايدين بس بالضغط الخفيف


وبعد كدا نحطها فى الفرن ودرجه حراره هاديه ونسيبها لحد ما نلاقى ان الجوانب بدأت تدى لون احمر كداا
نقوم نشغل الشوايه ونرفع الصينيه من تحت لفوق
ونطفى الفرن من تحت ونسيبها مع الشوايه بقى ونخلى النار هاديه عشان متتحرقش
ونسيبها لحد ما نلاقى ان من فوق ادت لون الاستواء يعنى بقت لونها احمر كدا والطماطم نشفت واستوت وكدا يعنى

وتقطع مثلثات او اى شكل ما تحبه بقى

جميلة جدا
بالهنة والشفة